Aieteko Lantxabe elkarteak antolaturik, datorren otsailaren 27an txotx jaia ospatuko da Katxola baserrian arratsaldeko 17:30etatik aurrera. Sagardoaren aintzineko kulturaren inguruan hainbat jarduera egongo da baserrian, iragan hurbila oroitzeak gu eta gure ondorengoak aberasten gaituelako.

TXOTX!!! 18:30ean izango da eta Eneko Goia Donostiako alkate jaunarekin batera ospatuko dugu, gure gonbidapena adeitasunez onartu duena. Joakina eta Juani Urrestarazu, Mari Carmen Illarreta eta Kontxi Lasori omenaldia egiteko aukera paregabea izango da. lau emakume horien giza-kalitateagatik eta Aieteren izen ona zabaltzeagatik.

Jai herrikoia 17:30etan hasiko da Txalaparta eta Kirikotekarekin. Ordu horretan ere Kutxa Ekogunek antolatutako tailerrak eta jolasak hasiko dira. Trikitilariak festan zehar (Maider Lasa eta taldea). Aieteko buruhandiak, zezen suzkoa, boloak eta sokatiraren erakusketa.Igela eta toka jokuak. 18:30etan omenaldia: Aurresku-agurra (GeroAxular) eta bertsoak (Maialen Akitu eta Xamoa”). Makailu tortilla eta patata tortilla lehiaketa. Gazteenentzat zizka-mizka.

Anima zaitezte!

Informazioa gehiago Lantxabe Aieteko Auzokide Elkarteko webgunean