Gure Hezkuntza Proiektua eraldatzeko hausnarketarako, Axular Lizeoa proiektu bizia dela ulertzera behartzen gaitu, baita bertan agertzen zaizkion beharrei erantzunak ematea eskatzen duela ere.
Sorkuntza, diseinua, aldaketa-esperientziaren proposamena eta haren ezarpena dira, ziurrenik, azken urteotan aurre egin diegun erronkarik zailenetako eta liluragarrienetako bat.
Horretarako, orain arte egindako bidea, gure erakundeak arlo sentikor eta estrategiko guztietan duen egonkortasuna, aliatu bihurtu behar dira proposamen arrakastatsua diseinatzeko orduan.
2019. urtean, gure ikastolak 50. urteurrena ospatu zuen, eta hainbat jarduera egin zituen, urteurren hori ospatzeaz gain, gure hezkuntza-komunitatearen parte-hartzea sustatu eta bultzatzeko. Horretarako, besteak beste, “Amets Egin” izeneko hausnar-keta egin genuen elkarrekin, etorkizunean izan nahi dugun ikastolarekin amets egiteko.
Gogoeta-saio eta -ekintza desberdinetatik sortu zen “Amets Egin Txostena” #GEROA2030 bidean lehen urra-tsak emateko aukera eskainiaz.
Esan dezagun 50. urteurrenarekin hasiera eman geniola 2030. urterako lortu nahi dugun hezkuntza-eredu eta -proposamen horren inguruko hausnarketari, dibulgazioari eta komunikazioari.
ZERGATIK #GEROA2030?
- Iraganari keinu bat eginez, gure bizi-proiektua orainetik etorkizunera begira dagoelako.
- Eraldaketa-prozesu honetan parte hartzen du-gun pertsona guztiontzat erreferentzia izan behar duelako, prozesu horren esanahia modu naturalean barneratuz.
- GERO jatorrizko idatziak, euskara maite dugun guztiontzako erreferentzia historikoa denak, Axular izenez ezagunagoa den Pedro Aguerre egileak 1643an argitaratua, giza portaera aldatzea zuen helburu, eta horretarako baliabide erretoriko sorta handia erabiltzen du, funtsezko hiru helbururekin:
√ Irakatsi √ Atsegina izan √ Irakurlearengana iritsi
- Gure eraldaketa pedagogikoaren ereduak premisa horiek berak bilatzen ditu; beraz, “marka” horrek har dezakeen esanahiarekin bat dator erabat.
- Gainera, “Gero” hitzak etorkizunari begiratzen dio orainaldi batetik. Orainaldi horren protagonista izan nahi dugu “erakutsiz”, “aurrera eginez”eta Axular Lizeoa osatzen dugun hezkuntza-komunitate osoa mugiaraziz.
- Era berean, Pedro Aguerreren ezizenak gure ikastolari izena ematen dio, eta hori beste arrazoi garrantzitsu bat da gure eraldaketa pedagogikoaren prozesua izendatzeko.
ZERGATIK “#”?
Traolaren zeinua integratuz, eraldaketa digitaleko prozesuari keinua egin diogu, prozesu horretan ere murgilduta baikaude, eta esparru pedagogikoak ezin dio muzin egin prozesu horri. Honen garrantzia kontutan hartuta, kapitulu oso bat eskaini diogu, eta dokumentu honetan aurkituko duzue.
Aldaketa sakon eta beharrezkoaren gakoak lehen begiradan jasotzeko asmoz, gure ustez, modu kritiko, zentzudun eta eraginkorrean digitalizatzea erronka bat izango da, eta modu egokian erantzun beharko diogu.
ZERGATIK “O” hori?
Gure ikastolaren sorrerako, egungo eta etorkizuneko helburuek gizarteak dituen erronkei begira egon behar dute.Nazio Batuen Erakundeak (NBE) aurkeztutako Garapen Jasangarrirako – GIH – Jasotzen dituzten erronkak, partekatzen, onartzen eta erantzuteko konpromi-soa hartzen dugu. Horregatik, gure ustez, helburu horiek identifikatzeko koloreak gure “o” an egoteak datozen urteetarako era-kunde osoaren konpromisoa ziurtatzen du, gero eta iraunkorragoak eta arduratsuagoak izateko erronkari erantzuten jarraitzeko.Alderdi horri ere kapitulu oso bat eskaintzen zaio dokumentu honetan, beste eremu estrategikoetako bat delako, eta lortu nahi dugun eraldaketaren nortasun-ezaugarrie-tako bat bihurtu nahiko genukeelako.
ZERGATIK 2030?
Axular Lizeoan tinko sinesten dugu egunero-ko ahaleginak eta lan gogorrak aukeraz beteriko etorkizuna eraikitzeko eta idazteko balioko digula. Proiektu hau osatzen dugun pertsona bakoitzaren ahaleginak hurrengo hamarkadan lan gogor horren fruituak gozatu eta jasotzeko aukera emango digu. 2030 urte hori izango da gure proiektu pedagogikoaren eraldaketa sakon, integral eta osoa lortzeko ezarri dugun helburua.
NONDIK HASIKO GARA?
Bigarren Hezkuntzak, gizarte aldakor eta zalantzaz beteari aurre egin beharko dioten nerabeen beharrei erantzungo dien proiektu bat oinarri izango duen eraldaketa lortzeko bultzada behar duela uste dugu. “Covid-Esperientzia” horrek ispilu aurrean jarri gaitu, eta, zalantzarik gabe, Axular Lizeoa sistemak oihuka eskatzen duen aldaketa horren protagonista izateko aukera handitzat hartu behar dugula ondorioztatu dugu.Gure ikasleek beste zerbait merezi dute, beren beharrei erantzungo dien zer-bait, eta, batez ere, beren bizi-garapenean lagunduko dien proiektu bat. Proposamen hau benetako aldaketa lortze-ko aukera paregabea dela uste dugu, baina ez zailtasunik gabea.
Interes-talde desberdinetan egindako lehen gogoe-taren ondorioz, eta gure hezkuntza-etapa bakoi-tzean bizi dugun errealitatea kontuan hartuta, au-kera paregabea eta, era berean, oparia da DBHko lehen mailan aldaketa-esperientziarako lehen fasea ezartzeko aukera.
ZERGATIK ETAPA HORRETAN?
- Gure ikasleen benetako beharrei erantzuteko betebeharra dugulako.
- Horretarako, gaitasun handiko profesionalak ditugu. Esperientziaz betetako zikloa da, ikasleekiko ikuspegia duena, eta aldaketa bultzatuko duena.
- Zenbait egokitzapen eginez gero, aldaketarak-o proposamenak hedatzeko aukera emango lukeen arkitektura eta antolaketa prest dugu.
- Bigarren Hezkuntzako proposamen arkitektoni-koak “aldaketarako motore” gisa balioko duten proposamen metodologikoei erantzutea erraztuko du.
- Irakasleen belaunaldi-aldaketa datozen urtee-tako erronka garrantzitsuenetako bat denez, etapa honetan lehen hiru txandak laster emango direla aurreikusten dugu, eta benetako aldaketa diseinatzeko aukera gisa aurkezten da, esperientzia handia duten eta aldaketa horren protagonista izan nahi duten profesionalak erronka honetara ere gidatuaz.
- Ziklo horretan esperientzia arrakastatsu bat burutzeak “ahal dela” erakutsiko luke. Bigarren Hezkuntzak etorkizunean gaur egun denaren antzeko zerbait izan behar duela dioen teoria elikatzen duten esparru mentalak ahuldu egingo lituzke.
Proposamen hau benetako aldaketa lor-tzeko aukera paregabea dela uste dugu eta zailtasunak ere aurreikusten ditugu:
- Aukerak eta zailtasunak detektatzen ditugu, Bigarren Hezkuntza ulertzeko modua bera izan daitekeelarik zailtasunik handiena.
- Ezezaguna den proiektu berri baten aurrean agertzen diren beldurrak aldaketa gauzatu behar duten irakasleen eta familien artean zabal daitekeen sentimendua izan daiteke.
- Hasitako prozesuak zer dakarren ez dakigu, eta beraz, ez dira gutxi argitu beharreko zalantzak eta kontuak.
PROZESU ERALDATZAILEAREN EGUTEGIA
- 2019-20 Lana eta prestakuntza zuzendaritza-taldearekin
- 2020-21 Barne-komunikazioko planaren diseinua eta gauzatzea
Prototipoaren eta esperientzia aurreratuaren diseinua DBH 1. zikloan - 2021-22 DBH 1eko material ekoizpena
- 2022-23 Esperientzia aurreratuaren (DBH 1) inplementazioa
Prozesuaren ebaluazioa
DBH 2ko material ekoizpena - 2023-24 Esperientzia aurreratuaren (DBH 2) inplementazioa
Prozesuaren ebaluazioa - 2024-25 Inpaktuen ebaluazioa